sexta-feira, 18 de agosto de 2017

Fronta go

nnnnnnnn
Bu txuki na fundo di nha memória
Pa gretas ki bu abri à forsa ku bu paixaun …
N ngispa nha rizistênsia pa buska rezan
N kirkitxa pa bu ka entra pamodi n tinha medu;

Mas bu forsa é más konsentradu ki di méu;
Bu sopra-m di méu, bu fúlia-l mutu lonji ki N kai,
N Skalâbia, N busu peli, pisa karni, motxoka osu
So korasan ki fika dretu, pamodi bu staba la dentu;

Y agora? Alebu li ta ludji-ludji dentu´l mi
Dja-m bira bó ki ta konfundi na odju di un kalker
Dja Ka sta sabedu si é nha korpu na bu Sprítu
O bu korpu ku nha spritu ta langi-langi;

Ami ki fronta go, pamodi, na nroska bu bussu,
Bu ranha, algun kau satadja ki dexa entrada
Y algen sta tenta entra; N ka sâbi si é kre ntxotxa
Ou e bo ki sta dentu’l mi k’e sta na buska?

Mo n ta fazi si algen ki ta odia-m sta disputa-u?
 Si da-l na kabesa pe fazem elfante ku kobra
P’e da-m kaketa na txon p’e rabenta-m balon
P’e faze-u saída sem importa ku mo N ta fika?

Li també ka pa stranha ku kuzas galanti di li pa dianti
Si ta ratxadu limária sem fazi kruz na txon y algen
Un hora kalker podi rabenta kalker kuza,

Na obidu surdu ki dja karixa di kustuma