Penedus di amor

 

Penedus di amor

Faze-m xinti ma bu ta lembra di mi ku kurason.

Mostra-m ma bo e kapás di po-m atenson

Di un algén di ser ki ka alvu a abater!

N meste pa bu dam bu korason, sem atropelu

Pa N transforma-u el nun paraízu

Y la n ta konstrui-bu um kastelu

Ku penedus di amor,

Ku simentu di felicidadi,

Transportadu na carinhu di eletricidadi

Ki ta sende alegria na tristeza, pa torra dor!

Dexa-m mui nha dor na bu parti di dentu, sem avizu;

Dexa-m susui sisma na bu parti intokável;

Dexa so nha mo na bu rede di eletrisidadi

Dexa-m segura bu interruptor deskaskável

Dexa-m aguenta kel xoki di vontadi

Di tem bó, di sta ku bo,

Y di mora na bo, sen abuzu!

Amália Faustino

(4 de junho de 2013)