TXAPU
KOKOLETA
Txápu kokoleta! Dja bu pegadu:
Bu boka na butija – so na beja fotu
Di kenha ki bu pila motxoku bu fúlia
Ki oji dja futi-futi ti dja bira otu!
Bu sta finji ma 'u ka spanta, y fazi di konta
Bu sta finji ma 'u ka spanta, y fazi di konta
Ki bu ta da ku língua pa limpa ekran, sima boi
Más, notadu ma bu ta unta-l fora ramoi
Más, notadu ma bu ta unta-l fora ramoi
Ku faíska di vergonha sirridjadu na fotu,
y kordadu ta sunha, ta lembra
tempo di gadanha
Nakel korpu ki ngatxadu pa bu ka ranha.
Nakel korpu ki ngatxadu pa bu ka ranha.
Markas bu po-l, dotor tra-l tudu moléstia
y fazi d'el otu parénsia, ku sênsia,
Inda, po-l na mon di veludu peludu,
y, nun petu insufladu, e ta fika nbaladu.
Dj’e xinte korasan kompasadu di mansadu,
Dos brasu afagante ki ta nbrasa so algen disisu
Depôs di nluadu olhar, kel olhar penetranti y kativanti Es ta lapi na kunpanheru sima íman na ferru
Komandadu pa alma di amor,
Depôs di nluadu olhar, kel olhar penetranti y kativanti Es ta lapi na kunpanheru sima íman na ferru
Komandadu pa alma di amor,
Tudu ku sensor ki ta rikonhisi
Pikus di flisidadi na kalker idadi,
Sen sanha, sen ranha, sem maldadi,
Sen stusia, sen nutri manha di ta panha
Ysen djatu di albisa ma el propi ki ganha.
Sen stusia, sen nutri manha di ta panha
Ysen djatu di albisa ma el propi ki ganha.
Fitxa koraju bu
ser balenti konsienti,
Doma bu spritu, tra-l djagasidu ku dirapenti,
Kabesa fâti ki ta fúlia ta ferferi na muntur
Pamodi
gatu o
katxor, sienti, ka djur-djur!
30-abril-2018
Sem comentários:
Enviar um comentário