MUDJER  FLOR

Mudjer ê flor na boka di jardin floridu

Mudjer ê flor di urzela na odju’l penedu

Mudjer ê valor pa kenha ki tem valor

Ki sâbi bitola-l sem pudor, nem favor.

 

Mudjer ê flor di margarida na sol di dia

Mudjer di noti ê um boton di orkídia

Na sabedoria di kenha ki sâbi avalia

Flor roza, pa sê carater sem marezia

 

Mudjer e flor y frutu di séta ku pega-saia

Ki ta agarra, ta lapi, pur amor, sen râkua

Ta puxadu, ta rinkadu, sikré ku mágua,

Kebradu, motxokidu, fuliadu, el ta faia!

 

Mudjer e un pena, pur pena ta dismaia

Mudjer dispérta, pur amor ta kapri lágua

ku dor di tudu gritu silensiadu, ta bâkua

Mudjer é pétalas fitadu ta boia na praia.

 

Amalia Faustino 

8 Dezembro de 2022