PA KONFORTA

 

PA KONFORTA

 

Nha amiga konta-m di sel

N obi, n fla-l ma ka so di sel

K’e fronta – pa nu konforta

Ku valor di vida k’inporta

Pa gardise Deus óki nu korda.

 

Sta difisil sima subi séu

En korpu y alma, la di kavi;

Konplikadu sima réu

Na difendi krimi gravi

K’ê akuzadu, sen debi.

 

Bu tem ki distora di tudu modi

Sima djan-djan di kutelu;

Undi bu rabida alá-l la

Ta po-bu tranku na kanela

Ku pé di kabra, ô ku martelu;

 

Nôs bida dja  podu marka

Ki nen a “laser” ka ta perdi

Dja sta skrebedu mal na spritu

Ki nen na purgatóri ka ta laba

Nôs alma? Dentu di otu fitxadu.

 

Nôs bida ku bitola di atrazu

Podi fika na medida kel marka!!!

Undi Nu bai, mesmu sem azu

Ta badu nen s’é denti d’arka

Ou na rudumunhu’l moska razu.

 

Paz ku sosegu si nu ka ten tioxi

Flisidadi go? nu ka ta sâbi modi k’é;

Amor go? T’obi ta fladu algun maré

Carrinhu go? Di netus ki sta li oxi,

Ta ronka, ta da luz sima di pulísia.

 

Lisboa, 25 de Agosto 2023