Pesquisar neste blogue

terça-feira, 4 de dezembro de 2012

Mudjer di marka Kabuverdi

Nu da mundu boita rodondu
Nu xinti ma Kabuverdiana parka
Ma lá e finka un presensa di marka!

Inda nu atxa preta ku fama
Na terra di branku sem lama
So na promove nós marka!

Tambe nu atxa preta sem dor 
Na kalker terra di pretu 
Ta mostra ma nu tem valor!

Nu soti na kantu tudu mundu
Nu atxa preta trabadjadera 
Nu atxa-l ku era y ku bera!

E kes mudjer kauverdiana
Trabadjadera inda ku karera
Ki e pa kubisa di bom manera!

Kenha ki ben Kabuverdi 
E podi rapara mudjer di li
Polivalenti na manxi kati kati!

Ta barri, ta bati, ta da boita
Ku se mininu prindadu na kosta
Kumida xeroza ta ba ta pronta!

Ku panu o sen el marradu
Na sintura ou botadu na ombru
Kabuverdiana e si mé koxa rodondu.

Atraente tambe, sem manha:
Ku tras, ku dianti, ku kor, ku fasanha
Ku Fama ta korri na trabadju’l boka!

Kes mudjer ki ka dana kabesa, ki ta sumara:
O ku pé, o ku mo, o ku boka, o dotu modi
E ta trabadja pa defende marka se rubera.


Amália  Faustino

Sem comentários:

Enviar um comentário