na nha térra
Li na nha térra, N ta sumara,
Ta xinti puezia ta dixi na ar
Antis di kai N ta npára
Ô n ta kata versus na mar.
Li na nha térra, N ta sumara,
Puezia ta nasi di tudu ladu
Té montanha ta pari versus
Ki valis y maris ta rôdia ta diklama.
Li na nha térra e pa sumara,
Pa rapara ma li tudu e puezia
Pa ozerba ma li tudu e múzika
Ma li tudu ki ta movi ta dansa.
Andada valsa, funaná ô tornu rapikadu
Soris ta baza na dia kenti, nôti mornu
Refresku’l mar di borla, ánu interu
Onda kriolu ta papia kantadu!
Di diâ ô di noti li e kenti, kenti
Kenti pa sta, kenti pa vive
Soris ta baza, xintidu
kansadu;
Mi só ô kunpanhadu, la e friu.
Li n kreba kentura di nha
altura
La n kre frieza ki n ta atura:
Pa stress di mistura ki ta dura
Midjor só, ki soldadura di
kaptura.
Amalia Faustino
Sem comentários:
Enviar um comentário