Solidan tropesadu
N staba ta passa la variante
n djobe pa li N odja-u bo só
n djobe pa li N odja-u bo só
Na bu kutelu ki bu kre manti
Si kre bu dexadu sen paletó
dja bu kre fika na meiu di matu
Si kre bu dexadu sen paletó
dja bu kre fika na meiu di matu
Si kre es destapa-u bus ratadju
Si kre ladera solta se katxorinhu
Si kre ladera solta se katxorinhu
Pa sorbi terra pa fulia bentu
Pa tonba penedus di burrinhu
Pa tonba penedus di burrinhu
Pa bu fika na brasu'l farfadju
Pa bu podi manti forti bu kati kati
Pa nós nu ka ben pati pati
bentu!
Pa bu podi manti forti bu kati kati
Pa nós nu ka ben pati pati
bentu!
Bus odjus kran ka sta spia pa mi
Nem
bus obidus k’ obi nha voz!
Bu boka amavel ka miasa un beju
Nen bu abrasu bu ka ferese
Bu perna banbu ka da num pasu!
Inda
bo bu ka bem brasa-nu
Des
modi li bu ka resebe-nu,
Si
kadjar dja bu graba di nós
Nton
mi N ten ki volta pa trás
Mas
oxi n ka sta li mi só
Abri
bus odjus bu odja pa nós
Obi
kuzé ki no bem fla-bu
Ma
dja n bem fika ku bó.
Bus fidjus d’ onti ku ontonti
Bus subrinhus, ku bus fidjadu
Txteu
di bu kretxeu sta li na bó
Nu
traze-u un brasu di afetu!
Amália
Faustino Mendes, 7 de fevereiro de 2014
Sem comentários:
Enviar um comentário