PILONKAN É RAIZ

 PILONKAN É RAIZ Pilonkan? Ami é Pilonkan sim

Pilonkan k'e nha orgúliu, Na nhas sonhus na sonu, Na nhas sonhus kordadu El k'ê terrenu fértil pa kalker simenti!
Simenti ki simiadu la, ta nasi,
Sikré transplantadu fora,
Ta kria sen striba txeu,
Ta produzi sikré ku stroba,
Ta madur berdi lakaká, purbadu ê doxi
Ta kumedu tudu kume ta ranoba,
Sima “entranhas” di Prometeu.
Pilonkan é más ki se tanbarinha.
Kuradu ku jardin ku losna
Raiz murgudjadu na fundu,
Ta bebi na lençol friátiku di mundu
Sima ê ta kortadu, asi ê ta rabenta,
Lonji ô pertu d’odju mau ku miada.

Pilonkan e mi y Mi ê Pilonkan,
Sem inveja pardu na nos spritu
Seja omi, mudjer, ô mininus,
Djobi, ozerba, xinti amor
Modi atxadu podi fladu
Suguru ku tortu, nguka na burru.

Amalia Faustino
22 di setenbru 2023