XANSI?

 

Amalia Faustino

1 d  · Almada  · 

Conteúdo partilhado com: Público

XANSI?!

Di sumola, pensa pozitivu!
Pensa na kel ki bu meresi
Ki ta rezulta di bo en ativu!
Luz prôpi, si pagadu, ta sendi!

Xansi ê baskudjadu pa sujetu!
Xansi ka ta dadu moda objetu
Xansi, si atxadu m'e kuza dadu
Kenha ki "dadu" ta invejadu!

Xansi - abertura pa entra?
Poi faru sen diskonsentra;
Si kel inveja ruin adentra
Xansi ê diprisan pa entra!

Inveja? Tudu mundu ta xinti
Si nu konxe'l, ka nu minti!!!
Nu fala ku el p'e kontrola
P'e sosega, p'e ka trubula.

Si inveja rivolta kontra susesu
Korasan na palku, bira posesu
Pulmons, dôs ladu na karrera,
Pamodi bonba di mal dja fera!

Amalia Faustino
21/09/2023